Connect with us

Menning, Ferðalög, Viðtöl og Fleira

Appelsínugult ástand. Kröpp lægð nálgast – Talsverð snjókoma, stórhríð og stormur

Sett inn:

þann

Höfuðborgarsvæðið – Talsverð snjókoma (Gult ástand)

22 mar. kl. 13:00 – 21:00 – Líkur eru á að töluvert geti snjóað á höfuðborgarsvæðinu eftir hádegi og eru spár að sýna um 25-30 cm af snjó á nokkrum klukkustundum. Snjókomubeltið er tiltölulega mjótt um sig og breytingar á staðsetningu þess geta haft töluverð áhrif á úrkomumagnið. Áhrifin yrðu fyrst og fremst fólgin í samgöngutruflunum innan höfuðborgarsvæðisins.

Strandir og Norðurland vestra

Hríðarveður (Gult ástand)

22 mar. kl. 07:00 – 21:00 – Gengur í norðan hvassviðri eða storm með hríðarveðri. Jafnvel stórhríð um tíma á utanverðum Tröllaskaga. Samgöngutruflanir líklegar.

Norðurland eystra

Stórhríð (Appelsínugult ástand)

22 mar. kl. 05:00 – 23:00 – Mjög kröpp lægð gengur norður með austurströndinni. Norðan stormur og stórhríð, vindstyrkur líklega 18-25 m/s. Afar líklegt að samgöngur geti farið úr skorðum.

Austurland að Glettingi

Stórhríðarveður (Appelsínugult ástand)

22 mar. kl. 04:00 – 11:00 – Mjög kröpp lægð gengur norður með austurströndinni. Norðaustan stormur og stórhríð, 18-25 m/s. Afar líklegt að samgöngur fari úr skorðum.

Austfirðir

Stórhríð (Appelsínugult ástand)

22 mar. kl. 03:00 – 09:00 – Austan og norðaustan 15-23 m/s og stórhríð. Samgöngutruflanir afar líklegar.

Stormur og sterkar hviður (Gult ástand)

22 mar. kl. 15:00 – 23 mar. kl. 02:00 – Norðvestan 20-28 m/s með hviðum um eða yfir 40 m/s. Umtalsverður skafrenningur fylgir. Hætta á ferð fyrir létt ökutæki og tengivagna. Samgöngutruflanir mjög líklegar, a.m.k. staðbundið.

Suðausturland

Stormur og sterkar hviður (Gult ástand)

22 mar. kl. 02:00 – 08:00 – Búast má við norðaustan stormi og sterkum hviðum frá Öræfum og langleiðina að Kirkjubæjarklaustri, vindur getur þá slagað í 28 m/s með hviðum um og yfir 40 m/s. Hætta einkum á ferð fyrir létt ökutæki og tengivagna.

Norðvestan stormur (Gult ástand)

22 mar. kl. 14:00 – 23 mar. kl. 00:00 – Hvöss norðvestanátt, allt að 28 m/s á svæðinu austan Öræfa. Hætta á ferð fyrir létt ökutæki og tengivagna. Einnig hætta á foki lausamuna.

Miðhálendið

Stórhríð (Gult ástand)

22 mar. kl. 04:00 – 22:00 – Norðan hvassviðri eða stormur með stórhríð norðan jökla. Ekkert ferðaveður til fjalla.

Veðurhorfur á landinu

Gengur í norðaustan og norðan 18-25 m/s með slyddu eða snjókomu SA-til í nótt, en síðar einnig norðanlands með snjókomu og stórhríð á köflum. Norðvestan 20-28 austantil á landinu upp úr hádegi á morgun, en annars hægari vestan- og norðvestanátt og snjókoma eða él á köflum.

Hiti víða í kringum frostmark að deginum.  Spá gerð: 21.03.2019 18:15. Gildir til: 23.03.2019 00:00.

Veðurhorfur á landinu næstu daga

Kl. 14.00 22. mars 2019

Á laugardag:
Sunnan og suðvestan 8-15 m/s og snjókoma eða slydda með köflum, en lengst af bjart og þurrt NA-til. Hiti kringum frostmark.

Á sunnudag:
Norðlæg átt, 8-13 m/s og dálítil snjókoma eða él, bjartviðri fyrir sunnan og hiti kringum frostmark. Lægir um kvöldið, léttir til og kólnar.

Á mánudag:
Gengur í hvassa suðlæg átt með hlýindum og rigningu, en lengst af þurrviðri NA-lands.

Á þriðjudag:
Hvöss suðvestanátt og kólnar aftur með éljum, en léttir til fyrir austan.

Á miðvikudag:
Útlit fyrir hvassa suðvestanátt með hlýindum og talsverðri vætu, en þurrt að kalla eystra.

Á fimmtudag:
Líklega áfram suvðestanátt með éljum, en slyddu eða rigningu SA-til.
Spá gerð: 21.03.2019 20:23. Gildir til: 28.03.2019 12:00.

Athugasemndir
Lesa meira