Connect with us

Fréttir

Ráðherra leynir enn upplýsingum um hverjir fengu 3.600 íbúðarhús á 15 millj. kr. að meðaltali, þrátt fyrir leyfi Persónuverndar

Sett inn:

þann

,,Það liggur fyrir að 3.600 íbúðir Íbúðalánasjóðs voru seldar á 57 milljarða, eða 15 milljónir að meðaltali fyrir hverja fasteign og við fáum ekki að vita hverjir hinu heppnu voru sem að fengu þessar íbúðir.”

Sigmundur Davíð Gunnlaugsson

Ásmundur Einar Daðason ráðherra og æðsti yfirmaður Íbúðalánasjóðs, stendur enn í vegi fyrir því að upplýsa hverjir fengu 3.600 íbúðarhús sem að Íbúðalánasjóður hirti af fjölskyldum á nauðungaruppboðum og afhenti svo nýjum eigendum.

Persónuvernd veitti Ásmundi Einari Daðasyni, fulla heimild til þess að upplýsa um hverjir hefðu fengið íbúðarhúsin, fyrir um tveimur mánuðum síðan, en engar upplýsingar fást, þrátt fyrir að t.d. allir þingmenn Miðflokksins hafi óskað formlega eftir því á Alþingi í eitt ár.

Hefðu fasteignirnar t.d. verið seldar á 35 milljónir að meðaltali, hefðu fengist 72 milljörðum meira fyrir þessar 3.600 fasteignir. En samtals er um að ræða 9.200 fasteignir sem að ríkið hirti af fjölskyldum þegar að fasteignir sem að bankarnir hirtu, eru taldar með, en um þær 5.600 fasteignir sem bankarnir hirtu, eru heldur engar upplýsingar til um. 

Sigmundur Davíð Gunnlaugsson, formaður Miðflokksins staðfesti það í viðtali í gær við Arnþrúði Karlsdóttur á útvarpi Sögu að enn væri mikil leynd yfir því hverjir hefðu fengið 3.600 íbúðir hjá Íbúðarlánasjóði. 

Sigmundur Davíð sagði að svarið lægi fyrir, en að það hefði tekið ár að toga það út úr ráðuneytinu en samt sem áður væri enn neitað að upplýsa um hverjir kaupendur hefðu verið. Leyfi Persónuverndar liggur fyrir.

,,Því var stöðugt frestað að svara þessu og reynt að finna nýjar leiðir til þess að komast hjá því. Upplýsingarnar liggja fyrir en hafa enn ekki fengist birtar og manni finnst þetta auðvitað skrítið.”  Sagði Sigmundur Davíð Gunnlaugsson, formaður Miðflokksins um þá miklu leynd, sem að staðið er vörð um af hálfu ráðherra íbúðarmála, Ásmundar Einars Daðasonar, varðandi þá sem að fengu þessar 3.600 íbúðarhús hjá ríkinu. 

þingmaður Miðflokksins Þorsteinn Sæmundsson hefur eins og áður hefur verið fjallað um, ekki fengið nein svör í eitt ár og allt hefur verið gert til þess að koma í veg fyrir að upplýsingar fáist um þá aðila, einstaklinga eða fyrirtæki sem að fengu íbúðir og einbýlishús á 15 milljónir króna að meðaltali frá ríkinu.

Þorsteinn Sæmundsson             þingmaður Miðflokksins

Miðað við að verðið hafi aðeins verið 15 milljónir fyrir fasteign, að meðaltali, bendir það til þess að hugsanlega hafi einhverjir fengið þessar eignir á undirverði en það á vonandi eftir að koma í ljós en mikil tregða er af hálfu stjórnvalda að gefa upp hverjir fengu fasteignirnar, þrátt fyrir að Persóuvernd hafi heimilað að nöfnin verði gerð opinber.

Þorsteinn Sæmundsson þingmaður Miðflokksins bíður eins og áður segir, enn svars frá Ásmundi Einari Daðasyni, ráðherra, um nöfn þeirra sem fengu afsöl fyrir þessum 3.600 íbúðarhúsum frá ríkinu sem að voru hirt af fjölskyldum í hruninu og aðrir ráherrar hafa heldur ekki hjálpað til við að upplýsa málið. ,,Ríkið hefur ekki einu sinni beðið um frest eins og lög gera ráð fyrir.” Sagði Þorsteinn Sæmundsson.

Þrjú þúsund manns urðu gjaldþrota, 116.939 hlutu árangurslaus fjárnám og 9.200 heimili voru seld á nauðungarsölum hjá jafn mörgum fjölskyldum

Á Alþingi, ítrekaði Þorsteinn Sæmundsson, oftar en einu sinni, við ráðherra húsnæðismála, Ásmund Einar Daðason, framsóknarflokki, að hann mundi birta lista yfir þá sem að fengu afsölin fyrir 3.600 íbúðum sem að voru hirtar af fólki í hruninu á nauðungaruppboðum. Þessar íbúðir eru jafnvel taldar hafa verið seldar á slikk til einhverra aðila sem að enginn möguleiki hefur verið að fá upplýsingar um hverjir eru, í heilt ár, þrátt fyrir marg ítrekaðar beiðnir þingmannsins á Alþingi  íslendinga. Samtals voru 9.200 íbúðarhús seld á nauðungaruppboðum á tímabilinu, þar af hafa 3.600 endað hjá Íbúðalánasjóði og 5.600 íbúðir líklega endað af stærstum hluta hjá ríkisbönkunum án þess að neinar upplýsingar liggi fyrir um hver hafi fengið þær hjá ríkinu. Engar upplýsingar liggja fyrir um til hvaða aðila þessar 9.200 íbúðir fóru.

Ráðherrann, bar upphaflega fyrir sig, að Persónuvernd þyrfti að gefa leyfi fyrir því að nöfn þeirra er höfðu hreppt íbúðirnar og húsin, yrðu birt og tafðist þannig málið í nokkra mánuði. Þegar að svo loksins barst svar um að heimilt væri að birta nöfn kaupenda, þá var málinu þvælt enn meira af hálfu ráðherrans. Með því að nú ætti Íbúðalánasjóður einnig að fara með sama málið um sama efni og reka það aftur fyrir Persónuvernd sem þegar hefur gefið svar, að sögn Þorsteins Sæmundssonar.

Ásmundur Einar Daðason, ráðherra

Persónuvernd hefur þegar gefið ráðherra íbúðarmála á Íslandi, sem er æðsta vald yfir Íbúðalánasjóði, heimild til þess að birta nöfn þeirra sem að fengu 3,600 íbúðir og hús frá ríkinu á árunum 2008-2017 þegar að 3600 fullnustu íbúðir og hús voru seld. Ráðherra neitar enn að upplýsa um þá sem keyptu og spurningar hafa verið spurðar á þinginu um það m.a. hvort að ráðherrann hafi eitthvað að fela ?

Upphaf málsins má rekja til þess að fyrir ári síðan, sendi Þorsteinn Sæmundsson skriflega fyrirspurn til félagsmálaráðherra og óskaði eftir nafnalista þeirra sem keypt hafa  fullnustueignir af Íbúðarlánasjóði síðustu 10 ár. Svar barst frá félagsmálaráðherra um þrem mánuðum seinna þar sem hann taldi sig ekki geta birt nafnalista vegna persónuverndarsjónarmiða. Þorsteinn Sæmundsson hafði þá samband við persónuvernd á sínum tíma sem lagðist alls ekki á móti því að nafnalisti yrði birtur.

,,Engar upplýsingar fást um hverjir hafa keypt fasteignirnar og skv. fyrirspurn sem ég sendi inn í september s.l. hefði ég átt að fá svar innan 15 daga en það hefur ekki enn borist. Er eitthvað þarna á ferðinni sem að þolir ekki dagsins ljós?

Hví  er þessi tregða á upplýsingum? Við getum alveg giskað á afhverju það er.”

Það liggur fyrir að 3.600 íbúðir Íbúðarlánasjóðs voru seldar á 57 milljarða, við fáum ekki að vita hverjir hinu heppnu voru sem að keyptu þessar íbúðir.” Sagði Þorsteinn Sæmudsson í viðtali við Reykjavík síðdegis um málið.

Svarið hefði átt að berast um miðjan júní en ráðuneytið neitar enn að svara Þorsteini um þetta mál eins og kom fram á dögunum í þættinum : Reykjavík síðdegis – Kröfurnar seldar vogunarsjóðum á 1 til 10 prósent

Steingrímur J. Sigfússon var fjármálaráðherra og segir Þorsteinn Sæmundsson að best sé að spyrja hann um hvað hafi orðið um eignir fólksins

Steingrímur J. Sigfússon var fjármálaráðherra og segir Þorsteinn Sæmundsson að best sé að spyrja hann um hvað hafi orðið um eignir fólksin

Þorsteinn Sæmundsson var m.a. spurður af hverju almenningur hafi ekki fengið að kaupa eignirnar eða fólkið sem var að tapa heimilum sínum á 1 til 10% af raunverulegu verðmæti eignanna?

Þá benti Þorsteinn á að best væri að spyrja Steingrím J. Sigfússon að því þar sem að hann hefði stýrt þessum málum sem ráðherra Vinstri Grænna.

Jafnframt nefndi hann að Sigmundur Davíð Gunnlaugsson hefði stungið upp á því að ríkið mundi koma að málunum fyrir fólkið í landinu en því hafi snarlega verið hafnað og alls ekki komið til greina af hálfu Vinstri grænna sem að stóðu á þessum tíma fyrir svokallaðari “Skjaldborg heimilanna”.

Fréttatíminn mun fylgjast vel með þessu máli til enda og birta nýjustu upplýsingar af því hverju sinni en ekkert hefur gerst í málinu s.l. þrjár vikur af hálfu ríkisins og á málið árs afmæli nú í febrúar.

Ásta Lóa Þórsdóttir, kennari og Formaður Hagsmunasamtaka heimilanna

Ásta Lóa Þórsdóttir, Formaður Hagsmunasamtaka heimilianna, deildi eftirfarandi sögu af sínu máli á Facebook-síðu sinni:

,,Kröfurnar voru seldar vogunarsjóðum á 1 til 10 prósent af raunverulegu verði heimilanna”

,,Þetta VERÐUR að rannsaka!

Frammi fyrir þessu stendur maður algjörlega réttlaus!   „Kröfurnar voru seldar á allt niður í 1% og þeir sem stýrðu þeirra ferð voru Steingrímur J. Sigfússon þáverandi fjármálaráðherra og hans fólk og auðvitað er hann kannski best í stakk búin til að svara [þeirri] spurningu. Það er algjörlega ljóst að þessar kröfur voru seldar vogunarsjóðunum og fleiri slíkum fyrir á bilinu 1 – 10%”

Setjum þetta í samhengi:

Í tilfelli okkar Hafþórs Ólafssonar var krafan s.s. seld á 300.000 – 3.000.000 en það var ekki nóg! Bankinn fékk nefnilega líka að breyta láninu okkar í eitthvað sem við hefðum aldrei samþykkt og hækkaði 30 milljóna lánið okkar á einu bretti upp í 45 milljónir. Af því við neituðum að sætta okkur við það vill hann núna 60 milljónir og fær húsið okkar sem núna er metið á 85 milljónir. Hagnaður bankans getur þannig orðið 80 – 84,7 milljónir (eftir fasteignaverði).

Við stöndum hins vegar eftir með EKKERT í höndunum og þurfum meira að segja að borga kostnað bankans líka þegar við höfum reynt að leita réttar okkar frammi fyrir GJÖRSPILLTUM dómurum sem vinna fyrir “kerfin” en gegn einstaklingum.

Þetta hlýtur að kallast gargandi snilld!

Maðurinn sem olli þessu er í dag forseti Alþingis og þó hann hafi séð sig knúinn (með réttu) til að biðja afsökunar á gjörðum annarra, þá hefur hann aldrei séð ástæðu til að biðjast afsökunar á eigin gjörðum. – 15.000 heimili eru ennþá að bíða eftir því!

Er ekki kominn tími til, á 10 ára “afmæli” hrunsins, að stöðva aðförina að heimilum landsins? Er ekki kominn tíma til að láta heimili landsins njóta vafans sem sannanlega er fyrir hendi, á með þessi mál eru rannsökuð ofan í kjölinn?

Er ekki kominn tími til að hætta að fóðra bankana með þessum skelfilega hætti?”  –  Hér er einnig hægt að lesa grein Ástu Lóu sem birtist í Kvennablaðinu

Athugasemndir
Lesa meira