Connect with us

Menning, Ferðalög, Viðtöl og Fleira

Kristín Ólafsdóttir ráðin sem framkvæmdastjóri Pieta samtakanna

Sett inn:

þann

Kristín Ólafsdóttir hefur verið ráðin sem framkvæmdastjóri Pieta samtakanna á Íslandi. Kristín er menntuð í viðskiptum og með LLM próf í mannúðar- og mannréttindalögfræði. Hún hefur undanfarin ár sinnt margvíslegum stjórnunarstörfum og setið í stjórn ýmissa samtaka og félaga. Kristín tekur við starfinu af Sirrý Arnardóttur.

Kristín segir að hún sé spennt fyrir komandi verkefnum. „Miðað við stöðuna í dag þá er starfsemi Píeta samtakanna nánast kraftaverk. Gott fólk í öllum stöðum. Á innan við ári er þjónusta við þá sem eru í sjálfsvígshættu eða stunda sjálfskaða vel mótuð og augljóst er að þörfin er mikil. Yfirlýsing Pieta samtakanna er einstaklega falleg og á erindi til okkar allra:

„Ég vil vera til staðar fyrir alla sem líður illa og leita til mín. Ég ætla ekki að standa aðgerðarlaus hjá ef mig grunar að einhver nálægt mér glími við vanlíðan og gera mitt besta til að aðstoða, án þess þó að ganga of nærri mér eða viðkomandi – en hvetja hann/hana til að leita aðstoðar sérfræðinga ef þurfa þykir. Enginn ætti að burðast einn með sársauka.“

Samtökin opnuðu þjónustu sína vorið 2018 og eru með starfsemina að Baldursgötu 7 í Reykjavík.  Til Píeta samtakanna geta leitað einstaklingar og aðstandendur sem vilja fá hjálp og viðtal hjá fagfólki.

„Meðferð okkar er mótuð af samúð og virðingu fyrir hverjum þeim sem til okkar leitar og áhersla lögð á lausnir og uppbyggingu. Miðað er að því að leysa yfirstandandi krísu með viðkomandi og glæða von um líf sem er þess virði að lifa. Kennd eru ýmis bjargráð til að fást við erfiðar tilfinningar ásamt streitu- og tilfinningastjórnun og samskiptafærni. Gefinn er kostur á allt að 15 viðtölum, en þörfin er metin í hverju tilviki fyrir sig. Þegar við á er fjölskyldu og/eða nánustu aðstandendum boðið að taka þátt í meðferðinni, með það að markmiði að styrkja stuðningsnet einstaklingsins. Gefinn er kostur á allt að 5 viðtölum fyrir aðstandendur. Meðferðin er skjólstæðingum að öllu gjaldfrjáls og það sem mér finnst hvað merkilegast er að þetta er fjarmagnað af framlögum frá fólki eins og mér og þér og fallegum félagasamtökum“.

Athugasemndir
Lesa meira

Fréttatíminn © 2018