Connect with us

Menning, Ferðalög, Viðtöl og Fleira

Helmingur þjóðarinnar les ferskar fréttir hjá fréttamiðlum á netinu – Einungis 4% kváðust sækja fréttir í dagblöð

Sett inn:

þann

Helmingur þjóðarinnar les ferskar fréttir hjá fréttamiðlum á netinu eða 50% en aðeins 4% lesa fréttir í dagblöðum

Netið er sú tegund fjölmiðla sem fólk notar helst til að sækja sér fréttir. Þetta er niðurstaða skoðanakönnunar MMR. Samkvæmt henni sækir helmingur landsmanna sér fréttir helst með því að fara á vefsíður fréttamiðla.
.
Helmingur landsmanna sækir helst fréttir af vefsíðum fréttamiðla. Þetta sýna niðurstöður nýrrar könnunar MMR, en samkvæmt könnuninni.
 Þá kváðust 18% helst sækja fréttir í sjónvarp og 9% í útvarp en aðeins 4% í dagblöð sem virðist vera orðin alveg úrelt nálgun við fólk á Íslandi.

Athygli vekur að einungis 4% kváðust helst sækja fréttir í dagblöð

Fréttir

Spurt var: „Hvert sækir þú helst fréttir?“

Svarmöguleikar voru: „Af vefsíðum fréttamiðla“, „Í sjónvarp“,  „Af samfélagsmiðlum“, „Í útvarp“, „Af öðrum vefsíðum“, „Í dagblöð“, „Úr símaforriti (appi)“, „Til vina“, „Til kunningja eða ættingja“, „Annars staðar frá“, „Ég fylgist ekki með fréttum“ og „Veit ekki/vil ekki svara“.  Samtals tóku 98,8% afstöðu til spurningarinnar.
Munur eftir hópum
Konur (13%) reyndust líklegri en karlar (5%) til að sækja helst fréttir af samfélagsmiðlum en hærra hlutfall karla (58%) en kvenna (50%) kvaðst helst sækja fréttir sínar af vefsíðum (fréttamiðlum eða öðrum).
Kynslóðamunur var á svörum eftir aldri. Af ungu fólki á aldrinum 18-29 ára kváðust 62% helst sækja fréttir sínar af vefsíðum fréttamiðla. Hlutfalli þeirra sem sækja helst fréttir á vefsíður fréttamiðla fór lækkandi í takt við hækkandi aldur en einungis 15% þeirra 68 ára og eldri kváðust helst sækja fréttir af vefsíðum fréttamiðla.
Svarendur elsta aldurshópsins kváðust aftur á móti helst sækja sér fréttir í sjónvarp (43%), útvarp (26%) eða dagblöð (12%). Þá er ljóst að sjónvarpsmiðlar, útvarp og dagblöð eiga á brattan að sækja hjá ungu fólki en einungis 2% þeirra á aldrinum 18-29 ára kváðust helst sækja sér fréttir í sjónvarp, 1% í útvarp og 1% í dagblöð en 6% kváðust ekki fylgjast með fréttum.
Unga fólkið reyndist aftur á móti líklegra en aðrir aldurshópar til að sækja sér fréttir af samfélagsmiðlum en 17% þeirra 18-29 ára kváðust helst sækja sér fréttir í gegnum samfélagsmiðla og 8% þeirra 30-49 ára.

Af þeim sem lokið höfðu háskólamenntun kváðust 60% helst sækja sér fréttir af vefsíðum fréttamiðla, samanborið við 46% þeirra sem höfðu hæst lokið framhaldsskóla og 44% þeirra með grunnskólamenntun.
Þá kváðust 12% sem lokið höfðu grunnskólamenntun sækja helst fréttir af samfélagsmiðlum, samanborið við 8% þeirra með framhaldsskóla- eða háskólamenntun
Þegar litið var til stjórnmálaskoðana mátti sjá að 66% stuðningsfólk Pírata og 59% stuðningsfólks Viðreisnar sögðust helst sækja fréttir af vefsíðum fréttamiðla.
Aðeins 35% af stuðningsfólki Flokks fólksins kvaðst helst sækja sér fréttir af vefsíðum fréttamiðla en 20% þeirra kváðust hins vegar helst sækja fréttir í útvarp og 11% í dagblöð. Af stuðningsfólki Vinstri grænna kváðust 28% helst sækja fréttir í sjónvarp, samanborið við aðeins 9% stuðningsfólks Pírata.
Þá var stuðningsfólk Sjálfstæðisflokksins (13%) líklegast til að sækja helst fréttir á samfélagsmiðla en stuðningsfólk Pírata (4%) og Samfylkingarinnar (3%) var líklegast til að segjast ekki fylgjast með fréttum.
Fréttir x

 

Athugasemndir
Lesa meira