Connect with us

Fréttir

Formaður Eflingar sakar seðlabankastjóra um að berja niður baráttu verkafólks með hótunum

Sett inn:

þann

Formaður Eflingar sakar seðlabankastjóra um að berja niður baráttu verkafólks með hótunum og að verkalýðsfélögin muni ekkert slá af kröfum sínum

Í viðtali við RÚV segist framkvæmdastjóri Samtaka atvinnulífsins taka undir með seðlabankastjóra að verkföll og miklar launahækkanir verði áfall fyrir efnahagslífið.
Halldór Benjamín Þorbergsson, framkvæmdastjóri SA segir í viðtalinu að of snemmt sé að segja til um hvort innlegg seðlabankastjóra hafi áhrif á gang kjaraviðræðna. „Það er full ástæða til að taka mark á seðlabankastjóra. Trúverðugleiki Seðlabankans er mikill,“ sagði Halldór.

Forystufólk í verkalýðshreyfingunni vísar því á bug að kröfur þeirra í kjarasamningum séu ógn við hagkerfið. „Þetta sýnir okkur að fólk er tilbúið til að nota hótanir til að berja niður mjög réttmæta baráttu fyrir efnahagslegu réttlæti,“ segir Sólveig Anna Jónsdóttir formaður Eflingar í viðtali við RÚV.

Þá var Sólveig Anna Jónsdóttir  spurð: ,,En ætlið þið ekki að taka mark á orðum Seðlabankastjóra? Ætlar Seðlabankastjóri ekki að taka mark á orðum okkar? Við segjum og stöndum við það að þau efnahagslegu skilyrði eru óásættanleg og við krefjumst efnahagslegs réttlætis. Við munum ekki kvika frá okkar kröfum,“ sagði hún.

Þá var hún spurð um hvort að hún teldi að kröfurnar gætu verið að ógna hagkerfinu? „Nei, sannarlega ekki. Við erum bara einbeitt í okkar baráttu og við ætlum ekki að slá neitt af,“ bætir Sólveig Anna við.

Skorum á stjórnvöld að stofna samfélagsbanka – það verði liður í því að stemma stigu við vaxtaokri hér á landi

Einnig var rætt við Drífu Snædal sem hafði þetta að segja: „Við höfum ekki talið sem svo að þær kröfur að fólk geti lifað hér mannsæmandi lífi, ógni hagkerfinu,“ sagði Drífa Snædal, forseti ASÍ.

Hún segir að Alþýðusambandið hafi áhyggjur af vaxtakostnaðinum.

„Við vorum að samþykkja hjá miðstjórn ASÍ ályktun þar sem við skorum á stjórnvöld að stofna samfélagsbanka. Við tókum undir þær raddir sem hafa heyrst að breyta Landsbankanum í samfélagsbanka sem verði óhagnaðardrifinn og það verði liður í því að stemma stigu við vaxtaokri hér á landi,“ bætir Drífa við.

Alþýðusambandið skorar á stjórnvöld að stofna óhagnaðardrifinn samfélagsbanka

Athugasemndir
Lesa meira

Fréttatíminn © 2018