Connect with us

Fréttir

„Þarna er Reykjavíkurborg að útiloka fatlað fólk, öryrkja og sjúklinga, sem eru sá hópur sem sækir helst um félagslegt húsnæði,“

Sett inn:

þann

„Þarna er Reykjavíkurborg að útiloka fatlað fólk, öryrkja og sjúklinga, sem eru sá hópur sem sækir helst um félagslegt húsnæði,“ segir Þuríður Harpa Sigurðardóttir, formaður ÖBÍ.

Tilefni ummælanna er nýtt álit ÖBÍ um drög að nýjum reglum Reykjavíkurborgar um úthlutun félagslegs húsnæðis.

Þuríður segir að til standi að funda með Reykjavíkurborg um málið, því ekki verði annað séð en að verði reglurnar innleiddar svona, sé verið að brjóta lög.

Um regludrögin segir m.a. á bls. 3 í umsögn ÖBÍ:

„Tekjumörkin samkvæmt drögunum sem hér eru til umsagnar eru enn lægri eða 3.680.475 kr. sem myndi gera að verkum að örorkulífeyrisþegar með engar aðrar tekjur en lífeyri almannatrygginga eru yfir tekjumörkum fyrir félagslegt leiguhúsnæði. … Tölur frá borginni sjálfri sýna að þetta er hópur sem er í bráðum húsnæðisvanda, sem hefur aukist hin síðustu ár. Verði reglurnar að veruleika verður ekki annað séð en að borgin muni útiloka þennan hóp frá því að geta fengið félagslegt húsnæði. … Því má velta fyrir sér hvort þetta ákvæði, eins og það er sett upp, sé ólöglegt.

Vart þarf þó að taka fram að óskertur lífeyrir almannatrygginga er einungis um 50-60% af þeim tekjum sem einstaklingur þarf í raun að hafa til mannsæmandi framfærslu samkvæmt neysluviðmiðum stjórnvalda, að viðbættum eðlilegum húsnæðiskostnaði.“

Fram kom í fréttum RÚV nú í kvöld að málið sé í skoðun en Reykjavíkurborg hafi ekki ákveðið hvaða tekjumörk muni eiga við. ÖBÍ bendir á að tekjumörk fyrir úthlutun hjá Brynju – Hússjóði Öryrkjabandalags Íslands, séu yfir 5,1 milljón króna á ári. Til fróðleiks er hér yfirlit frá TR um hvaða lágu upphæðir er um að ræða. https://www.tr.is/tryggingastofnun/frettir/fjarhaedir-lifeyrisgreidslna-og-breytingar-1-januar-2019

2019-01-15 Umsögn um drög að nýjum reglum Rvk um félagslegt húsnæði

Athugasemndir
Lesa meira

Fréttatíminn © 2018