Connect with us

Fréttir

Suðvestan hvassviðri eða stormur um hádegi 

Sett inn:

þann

Skv. upplýsingum veðurfræðings á Veðurstofu Íslands, má gera ráð fyrir suðvestan hvassviðri eða storm á suðurlandsundirlendinu um hádegi

,,Nú í morgunsárið hefur veður gærkvöldsins gengið niður á öllu landinu og má búast við éljum í flestum landshlutum í dag ásamt kólnandi veðri.
Helstu tíðindin eru þó að það gengur í suðvestan hvassviðri eða storm á suðurlandsundirlendinu um hádegi og með því fylgja öflug él eða slydduél. Útlit er því fyrir að skyggni og færð geti orðið slæm um tíma á þessu svæði og vegfarendur hvattir til að fylgjast með veðurspám sem eru því miður búnar að vera óstöðugar varðandi þetta veður.

Það besta við það er þó að það virðist ætla að fara hratt hjá. Í kvöld bætir aðeins í sunnanáttina á NA-landi en lægir þó jafnharðan þegar líður á kvöldið.
Á morgun stefnir í vestan strekking SV-lands fyrri hluta dags, en annars hægur vindur og víða éljagangur með frosti um allt land. Á miðvikudag er áfram útlit fyrir rólegt vetrarveður, en á fimmtudag virðist næsta lægð ætla að taka land.” Segir veðurfræðingur.
Spá gerð: 21.01.2019 06:47. Gildir til: 22.01.2019 00:00. 

Veðurhorfur á landinu

Suðlæg eða breytileg átt 5-13 m/s og él, en strekkingur fyrir austan í fyrstu. Kólnandi veður.
Gengur í suðvestan hvassviðri eða storm á S-landi upp úr hádegi með éljum og síðan slydduéljum um tíma. Dregur úr vindi seinni partinn, en allhvöss sunnanátt NA-lands í kvöld og léttir til. Frost 0 til 8 stig síðdegis, kaldast fyrir norðan.
Vestlæg átt 8-15 m/s SV-lands á morgun, annars mun hægari. Víða él, en yfirleitt léttskýjað á NA-verðu landinu. Frost 1 til 10 stig.
Spá gerð: 21.01.2019 06:49. Gildir til: 22.01.2019 00:00.

Veðurhorfur á landinu næstu daga

Á þriðjudag:
Vestlæg átt 8-15 m/s á V-verðu landinu með éljum. Hægari A-til og yfirleitt léttskýjað, en líkur á éljum við ströndina. Frost 1 til 10 stig.

Á miðvikudag:
Breytileg átt 3-8 m/s og víða bjart, en stöku él við ströndina. Herðir á frosti.

Á fimmtudag:
Gengur í allhvassa eða hvassa suðaustanátt, en suðvestanátt um kvöldið. Víða slydda eða snjókoma, en rigning á S-verðu landinu. Hiti nálægt frostmarki fyrir norðan, en upp í 5 stig syðst.

Á föstudag:
Snýst í ákveðna norðaustanátt með snjókomu, en rofar til sunnan heiða. Kólnandi veður.

Á laugardag:
Minnkandi norðanátt og stöku él N-til, en bjart sunnan heiða og frost um allt land.

Á sunnudag:
Útlit fyrir suðaustlæga átt með snjókomu S- og V-lands. Áfram kalt í veðri.
Spá gerð: 20.01.2019 20:45. Gildir til: 27.01.2019 12:00.

Athugasemndir
Lesa meira

Fréttatíminn © 2018