Connect with us

Fréttir

Orkusalan (Rarik) með hæsta verðið en Orka heimilanna með það lægsta

Sett inn:

þann

Raforkureikningi heimilisins má skipta í tvo hluta. Annars vegar er greitt fyrir flutning og dreifingu raforkunnar til þeirrar dreifiveitu sem hefur sérleyfi á viðkomandi landsvæði og hins vegar er greitt fyrir sjálfa raforkuna til þess sölufyrirtækis sem hver og einn kaupandi velur en þessi úttekt fjallar um þann hluta orkusölunnar sem viðskiptavinir hafa val um Í neðangreindum dæmum er gert ráð fyrir að heimilið kaupi 4.000 kWst./ári. af raforku frá þeirri dreifiveitu sem hefur sérleyfi á flutningi og dreifingu á viðkomandi landsvæði og þeim sölufyrirtækjum sem stofnuð hafa verið utan um raforkusöluna hjá viðkomandi dreifiveitu.

Verð á orkusölu hefur hækkað um 7,7-13,4% frá september 2016 til dagsins í dag. Mestu verðhækkanirnar eru hjá Orku Náttúrunnar sem hefur hækkað gjaldskrá sína um 13,4% og bjóða nú upp á næst hæsta verðið eða 31.893 kr. miðað við 4.000 kWst/ári. Hæsta verðið er hjá Orkusölunni (Rarik), 3.192 sem er með næst mestu hækkunina á þessu tímabili eða 12,4% en einungis 50 kr. eru á milli Orkusölunnar og ON að því er kemur fram á vef ASÍ.

Minnsta hækkunin er hjá Orkubúi Vestfjarða eða 7,7% en þeir bjóða upp á næst lægsta verðið, 29.264 kr. Orka heimilanna býður upp á lægsta verðið, 29.214kr. en það fyrirtæki var stofnað árið 2018og því hafa ekki orðið neinar hækkanir á verðskrá þeirra. Lítill munur er á verðskrám þeirra sjö orkusala sem fólk hefur val um en munur á hæsta og lægsta verði í orkusölu er 9,3% eða 2.728 kr. sem ber þess merki að lítil verðsamkeppni sé á milli aðila á markaði.

Á grafinu hér að neðan má hvernig aðilar á orkusölumarkaði raðast miðað við verðlagningu og þær verðhækkanir sem hafa átt sér stað síðan 2016

Rétt er að vekja athygli á að ákveði heimili að kaupa raforkuna hjá öðru fyrirtæki en því sem sér um flutning og dreifingu á viðkomandi landssvæði, mun raforkureikningur heimilisins berast í tvennu lagi. Einn fyrir flutning og dreifingu og annar fyrir orkusölu. Neytendur ættu því a kynna sér hvort seðilgjald sé innheimt aukalega hjá raforkusalanum og hvort komast megi hjá því t.d. með rafrænum greiðsluseðlum svo kostnaður við skiptin verði ekki meiri en sem nemur verðmun á milli söluaðila.

Sjá nánar sundurliðaðan kostnað við orkusölu í töflu.

Orkusala samanburður 2016 og 2018

Twitter

Athugasemndir
Lesa meira

Fréttatíminn © 2018