Connect with us

Fréttir

Upprunagreining eldislaxa í laxveiðiám hjá Hafrannsóknastofnun,MAST og Matís

Sett inn:

þann

Hafrannsóknastofnun, í samvinnu við MAST og Matís, hefur unnið að upprunagreiningu eldislaxa sem hafa veiðst í íslenskum ám.

Notuð er svokölluð arfgerðagreining og eru 14 erfðamörk greind og borin sama við erfðamörk þeirra hænga sem notaðir voru við framleiðslu seiða 2015.

Alls virðast hafa veiðst 12 eldisfiskar, þar af hafa 11 verið greindir en einn er enn í mælingu. Af þeim 11 sem hafa verið greindir er hægt að rekja níu með vissu, en eitt sýni þarf að endurkeyra með nýju erfðarsýni til að fá afgerandi staðfestingu. Einn fisk, sem veiddist í Breiðdalsá, þarf að skoða frekar og er hugsanlegt að hann hafi komið annars staðar frá.

Þeir níu fiskar sem hefur verið hægt að rekja komu allir frá tveimur kvíastæðum, annars vegar úr Laugadal í Tálknafirði og hins vegar frá Hringsdal Arnarfirði.

Tilkynnt hafa verið þrjú atvik sem stemma við þessar staðsetningar. Arnarlax tilkynnti atvik/strok í Hringsdal í Arnarfirði þann 21. febrúar sl. og tvö atvik í Laugardal í Tálknafirði, annað í febrúar og hitt í júlí á þessu ári.

Svo virðist sem allir fiskarnir hafa komið úr tilkynntum strokum.

Veiðistaður Strokstaður
Staðarhólsá/Hvolsá Laugardalur Tálknafirði
Selá í Ísafirði Laugardalur Tálknafirði
Vatnsdalsá Laugardalur Tálknafirði
Mjólká Hringsdalur Arnarfirði
Mjólká Endureinangra DNA
Laugardalsá Hringsdalur Arnarfirði
Eyjafjarðará Hringsdalur Arnarfirði
Fífustaðará Hringsdalur Arnarfirði
Fífustaðará Hringsdalur Arnarfirði
Staðará Laugardalur Tálknafirði
Breiðdalsá Óvíst

Tengt efni:

Ein af hverjum fimm laxveiðiám lokuð stangaveiðimönnum vegna laxeldis

Segir sig úr klúbbnum, vegna styrktarsamnings kokkalandsliðsins, við laxeldisfyrirtækið Arnarlax

Athugasemndir
Lesa meira