Connect with us

Fréttir

Bílanaust gjaldþrota

Sett inn:

þann

Starfs­fólki Bílanausts var til­kynnt á starfs­manna­fundi klukk­an tíu í morg­un um gjaldþrot fyr­ir­tæk­is­ins, versl­un­um fyr­ir­tæk­is­ins var svo lokað í kjölfarið og starfs­mennirnir send­ir heim. Þetta staðfest­ir Bjarki Jak­obs­son, versl­un­ar­stjóri Bílanausts að Dvergs­höfða, í sam­tali við mbl.is nú rétt fyrir hádegið.

„Það eru all­ir bara að fara heim og starfs­lok hjá öll­um starfs­mönn­um,“ sagði Bjarki. Hann seg­ir fólki hafa verið brugðið við tíðind­in í morg­un. Þá voru starfs­menn fyr­ir­tæk­is­ins á Eg­ils­stöðum og á Ak­ur­eyri líka boðaðir til starfs­manna­fund­ar í morg­un. Tap ársins 2017 nam 118 milljónum króna og var 85 milljónir árið á undan. Uppsafnað tap áranna 2012-2017 eru rúmlega 300 milljónir króna. Rekstrarvandræði Bílanausts hefur verið viðvarandi undanfarin fimm ár og tekjur félagsins hafa dregist saman um 35%.

Bílanaust var stofnað árið 1962. Bílanaust er í eigu fé­lags­ins Efsta­sunds og Cold­rock In­vest­ments lim­ited á 43,55% hlut í Efsta­sundi. Systkin­in Guðný Edda Gísla­dótt­ir, Gunn­ar Þór Gísla­son, Eggert Árni Gísla­son og Hall­dór Páll Gísa­son eiga 9,11% hlut hvert. Lár­us Blön­dal Sig­urðsson er eigandi 7,79% hlut og Heba Brands­dótt­ir 6,79% hlut.

Athugasemndir
Lesa meira