Connect with us

Fréttir

Suðvestan hríð – Gult ástand

Sett inn:

þann

Veðuryfirlit

Skammt A af Scoresbysundi er vaxandi 993 mb lægð sem þokast NA, en 600 km V af Írlandi er 1035 mb hæð á hreyfingu ANA. Langt SSV í hafi er 1000 mb lægð á leið NA.

Vestfirðir – Suðvestan hríð (Gult ástand)

5 jan. kl. 22:00 – 6 jan. kl. 10:00 – Hvassviðri eða stormur með vindhraða á bilinu 15-23 m/s og hvössum vindhviðum við fjöll sem geta staðbundið farið yfir 35 m/s, einkum á fjallvegum. Búast má við talsverðrum éljagangi með skafrenningi og lélegu skyggni og versnandi akstursskilyrðum. Samgöngutruflanri líklegar og ferðalöngum er bent á að sýna aðgát.

Strandir og Norðurland vestra – Suðvestan hríð (Gult ástand)

5 jan. kl. 23:00 – 6 jan. kl. 12:00  – Hvassviðri eða stormur með vindhraða á bilinu 15-23 m/s og hvössum vindhviðum við fjöll sem geta staðbundið farið yfir 35 m/s, einkum á fjallvegum. Búast má við talsverðrum éljagangi með skafrenningi og lélegu skyggni og versnandi akstursskilyrðum. Samgöngutruflanri líklegar og ferðalöngum er bent á að sýna aðgát.

Norðurland eystra – Suðvestan hríð (Gult ástand)

5 jan. kl. 23:00 – 6 jan. kl. 13:00 – Hvassviðri eða stormur með vindhraða á bilinu 15-23 m/s og hvössum vindhviðum við fjöll sem geta staðbundið farið yfir 35 m/s, einkum á fjallvegum. Búast má við éljagangi og skafrenningi með lélegu skyggni og versnandi akstursskilyrðum vestan Eyjafjarðar, en heldur hægari vindur og þurrt austantil. Samgöngutruflanri líklegar vestast á svæðinu og ferðalöngum er bent á að sýna aðgát.

Miðhálendið – Suðvestan hríð (Gult ástand)

5 jan. kl. 21:00 – 6 jan. kl. 14:00 – Hvassviðri eða stormur með vindhraða á bilinu 15-23 m/s og hvössum vindhviðum við fjöll sem geta staðbundið farið yfir 35 m/s. Búast má við éljagangi og skafrenningi með lélegu skyggni og versnandi akstursskilyrðum en úrkomulítið norðan Vatnajökuls. Ferðalöngum er bent á að sýna aðgát.

Veðurhorfur á höfuðborgarsvæðinu

Suðvestan 8-15 og él. Hægari og úrkomulítið um hádegi, en slydda annað kvöld. Hiti nálægt frostmarki í nótt, en 1 til 5 stig á morgun.
Spá gerð: 05.01.2019 21:38. Gildir til: 07.01.2019 00:00.

Veðurhorfur á landinu næstu daga

Á mánudag:
Norðvestan og vestan 8-13 m/s, skýjað og snjókoma eða él N- og A-lands fram eftir degi. Frost 0 til 5 stig, en frostlaust við S-ströndina.

Á þriðjudag:
Gengur í suðaustan 10-18 með slyddu og síðar rigningu, en hægari og þurrt á N- og A-landi. Hlýnandi, hiti 1 til 6 stig um kvöldið.

Á miðvikudag:
Hvöss suðvestanátt og rigning, en þurrt A-til á landinu. Hiti 5 til 13 stig, hlýjast á Austfjörðum. Úrkomulítið um kvöldið og kólnar í veðri.

Á fimmtudag:
Minnkandi vestanátt og skýjað með köflum, hiti kringum frostmark. Snýst í suðaustanátt með slyddu eða rigningu V-lands um kvöldið.

Á föstudag:
Austlæg eða breytileg átt. Dálítil væta S-lands, en slydda eða snjókoma fyrir norðan. Hiti kringum frostmark.

Á laugardag:
Norðanátt og kalt í veðri. Él NA-lands, en léttskýjað á S- og V-landi.
Spá gerð: 05.01.2019 21:28. Gildir til: 12.01.2019 12:00.

Athugasemndir
Lesa meira

Fréttatíminn © 2018