Connect with us

Innlent

Garðabær lækkar skatt á atvinnuhúsnæði – borgin ein eftir á höfuðborgarsvæðinu með skattinn í toppi

Sett inn:

þann

Samþykkt Garðbæinga þýðir jafnframt að á höfuðborgarsvæðinu er Reykjavíkurborg nú eina sveitarfélagið sem hefur ákveðið að halda fasteignaskatti á atvinnuhúsnæði í lögleyfðum toppi, 1,65%. Samkvæmt samþykkt borgarstjórnarfundar fyrr í vikunni verður ekki byrjað að lækka fasteignaskatt á atvinnuhúsnæði fyrr en árið 2021, þrátt fyrir gífurlegar hækkanir fasteignamats. Þannig verði skatthlutfallið óbreytt næstu tvö ár, lækki svo í 1,63% árið 2021 og 1,6% árið 2022.

„Við fögnum því að málflutningur Félags atvinnurekenda nær í gegn hjá æ fleiri sveitarfélögum, sem sjá að það er einfaldlega ekki sanngjarnt að leggja stóraukna skatta á fyrirtækin vegna hækkana á fasteignamati, sem oftast eiga sér enga samsvörun í afkomu eða greiðslugetu fyrirtækjanna,“ segir Ólafur Stephensen, framkvæmdastjóri Félags atvinnurekenda. „Þeim mun meiri eru hins vegar vonbrigðin með afstöðu Reykjavíkurborgar. Mörg fyrirtæki í borginni hljóta að vera farin að horfa til þess að skattaumhverfið í ýmsum nágrannasveitarfélögum er orðið mun hagstæðara.“

Rauði liturinn einkennir sveitarfélög sem innheimta hæstu lögleyfðu skattprósentu af atvinnuhúsnæði

 

 

Athugasemndir
Lesa meira

Fréttatíminn © 2018