Connect with us

Afþreying

Íslenska kvikmyndin Kona fer í stríð verðlaunuð af Evrópuþinginu

Sett inn:

þann

Benedikt Erlingsson leikstjóri hlaut LUX kvikmyndaverðlaun Evrópuþingsins við hátíðlega athöfn í Evrópuþinginu í Strassborg fyrir kvikmynd sína, Kona fer í stríð. Verðlaun þessi eru veitt árlega þeirri mynd sem þykir best beina kastljósinu að helstu félagslegu og pólitísku álitaefnum okkar tíma.

„Það er mikill heiður að vera hér í musteri löggjafarvaldsins. Mér líður eins og stjórnmálamanni en ég held að stjórnmálamenn séu einnig sagnamenn.

Þið þingmenn eruð raunar afar hugrakkir því þið eruð að takast á við hinar raunverulegu áskoranir baráttunnar gegn loftslagsbreytingum,“ sagði Benedikt Erlingsson við þetta tækifæri og bætti við: „Loftslagsbreytingar verða miðpunktur allra stjórnmála í framtíðinni“.

Kona fer í stríð er kvikmynd sem hvetur til borgaralegs mótþróa, til að berast fyrir og bjarga náttúrunni frá græðgi og ofurvaldi stórra iðnfyrirtækja. Hún er samstarfsverkefni íslenskra, franskra og úkraínskra aðila. Myndin keppti til úrslita við kvikmyndirnar Styx og Hin hliðin á öllu saman. Allar LUX úrslitamyndirnar þrjár voru sýndar á sérstakri LUX dagskrá á RIFF kvikmyndahátíðinni á Íslandi í ár.

Það voru þingmenn Evrópuþingsins, kjörnir fulltrúar íbúa Evrópusambandsins, sem völdu myndina, enda hvetur hún til umræðu um áskoranir Evrópu og framtíðartækifæri, um baráttuna við umhverfisspjöll, með femíniskum undirtónum.

Áður hafa íslensku kvikmyndirnar Hrútar og Hjartasteinn komið til greina sem verðlaunamyndir hjá Evrópuþinginu.

Sendinefnd Evrópusambandsins á Íslandi óskar öllum aðstandendum kvikmyndarinnar kærlega til hamingju með verðlaunin.

Hér að neðan má sjá viðtöl sem hafa verið tekin vegna myndarinnar:

Athugasemndir
Lesa meira

Fréttatíminn © 2018