Connect with us

Fólk

Landsneti fékk afhent gullmerki Jafnlaunaúttektar PwC

Sett inn:

þann

Landsneti fékk í vikunni afhent gullmerki Jafnlaunaúttektar PwC. Úttektin segir til um kynbundinn launamun innan fyrirtækisins að teknu tilliti til áhrifaþátta á laun

Gullmerkið hljóta þau fyrirtæki sem eru með minni óútskýrðan launamun en 3,5% en úttektin sýnir 2,8% launamun hjá Landsneti. Gullmerkið er hvatning til að gera enn betur.
Jafnlaunaúttektin er liður í innleiðingu á jafnlaunakerfi hjá Landsneti. Valka Jónsdóttir mannauðsstjóri Landsnet segir að framundan sé vinna við að útrýma þessum launamuna alveg með innleiðingu á jafnlaunakerfi.
“Þetta er virkilega góð byrjun á því ferli sem framundan er við innleiðingu á jafnlaunakerfi hjá okkur. Eitt af því sem þarf að vera til staðar við upphaf innleiðingar er greining á launamuni karla og kvenna og nú höfum við fengið þær niðurstöður til að vinna með. Gullmerkið er hvatning fyrir okkur að gera enn betur í þessum málum. ”
Markmiðið að útrýma launamuninum
Hjá Landsneti starfa 94 karlar og 26 konur og í mörg ár hefur verið unnið eftir jafnréttisstefnu.
Guðmundur Ingi Ásmundsson forstjóri Landsnets segir mikilvægt að halda áfram þeirri vinnu sem hefur verið í gangi og að framundan sé að útrýma þeim launamun sem fram kom i greiningunni. „Jafnréttismál skipta okkur hjá Landsneti miklu máli og höfum við verið að vinna eftir jafnréttisstefnu sem hefur skilað okkur þessum árangri og nú gullmerkinu sem við fögnum í dag. En við ætlum að gera enn betur og útrýma þessum launamun alveg og það gerum við með því meðal annars að innleiða jafnlaunakerfi og láta votta það. „

Ljósmynd; Guðmundur Ingi Ásmundsson, Valka Jónsdóttir og Þorkell Guðmundsson frá PwC

Athugasemndir
Lesa meira

Fréttatíminn © 2018